Boas a todos e todas!
A semana pasada comezamos coas tarefas de limpeza durante os recreos. Cada día da semana, oito voluntarios e voluntarias de 3º EP recorren o patio en busca de lixo ou residuos que recoller. Fixeron un gran traballo e xa son uns auténticos profesionais. Botemos un ollo ao seu traballo e esforzo!
Boas de novo!
Despois da carta que nos enviou o polbo Tintón decidimos crear a TROPA VERDE! Permitiranos acabar con todo o lixo que haxa no noso patio. Pero antes de comezar co noso labor tivemos que crear un logo que nos identificara. Para isto cada neno e nena creou un debuxo identificativo para a nosa tropa e, entre todos, votamos cal nos gustaba máis. Non foi unha tarefa doada pero... houbo un gañador!
Boas a todos e todas! Estes días respondemos á carta que nos enviara o Polbo Tintón. Nela comentámoslle todas as ideas que se nos foron ocorrendo para poder axudarlle, e de seguro que se nos ocorren outras moitas. Comezaremos a traballar nelas proximamente!
Boas a todos e todas!
Queremos compartir convosco a saída que realizamos fai uns días ao museo de Historia Natural en Santiago. Alí puidemos ver diferentes exposicións sobre o medio natural: ecosistemas mariños, bosques galegos, exposición de minerais... É sobre todo, a importancia de coidar o medio ambiente!
Boas a todos e todas!
Estes días recibimos unha carta de alguén moi especial... o polbo Tintón! A mascota da biblioteca púxose en contacto connosco para pedirnos axuda porque está preocupado pola cantidade de lixo que hai no patio. Xa nos puxemos mans á obra!
Boas a todos e todas!
Durante estas semanas estivemos moi atarefados pero xa estamos de volta! Iremos amosándovos todas as cousiñas que estivemos argallando.
Para comezar, gustaríanos compartir con vós unha charla a que asistimos sobre a fauna autóctona.
Boas a todos e todas!
Durante estas semanas que levamos de curso, comezamos a traballar sobre a importancia da reciclaxe e a súa necesidade. De aí que nas nosas aulas empecen a haber os correspondentes contedores para poder ir separando os residuos.
Saúdos!
